سووریا.. هێرش بۆ سەر مینی پاسێک لە پارێزگای حەما کوژرانی حه‌وت كه‌س و برینداربوونی چوار كه‌سی لێكه‌وته‌وه‌

لە هێرشێکی چەکدارییدا بۆ سەر مینی پاسێک لە پارێزگای حەمای سووریا، حه‌وت کەس کوژران و چوار کەسی دیکەش برینداربوون.

بەپێی هەواڵێکی ئاژانسی هەواڵی فەڕمی سووریا (SANA)، لە ئەنجامی دەستڕێژیی گولـله‌ لە مینی پاسێک لەسەر پردی مسیاف، حه‌وت کەس گیانیان لەدەستداوە و چوار کەسی دیکەش برینداربوون.

دەستبەجێ دوای ڕووداوەکە، تیمەکانی بەرگریی شارستانی ڕەوانەی شوێنی ڕووداوه‌كه‌ کراون.