گه‌شته‌كانی فڕۆكه‌خانه‌ی ئه‌تاتورك به‌رده‌وامه‌

پارێزگاری ئیستانبوڵ رایگه‌یاند گه‌شته‌كان له‌ فڕۆكه‌خانه‌ی ئه‌تاتورك به‌شێوه‌یه‌كی ئاسایی به‌رده‌وامه‌.

له‌ڕوونكردنه‌وه‌یه‌كدا پارێزگاری ئیستانبوڵ رایگه‌یاندووه‌، ئه‌و هه‌واڵانه‌ی له‌ تۆڕه‌ كۆمه‌ڵایه‌تییه‌كان و تۆڕه‌كانی ئینته‌رنێت بڵاوده‌بنه‌وه‌، هه‌واڵی بێ بنه‌مان و دوورن له‌ڕاستییه‌وه‌.

له‌ناوەڕۆکی روونكردنه‌وه‌كه‌دا هاتووه‌: "گه‌شته‌كان له‌ فڕۆكه‌خانه‌ی ئه‌تاتوركه‌وه‌ به‌شێوه‌یه‌كی ئاسایی به‌رده‌وامه‌ و داوا له‌ هاووڵاتیانمان ده‌كه‌ین گوێ به‌م هه‌واڵه‌ بێ بنه‌مایانه‌ نه‌ده‌ن".