یانەی گەلاتەسەرای بووە پاڵەوانی جامی تورکیا

شەوی رابردوو یانەی گەلاتەسەرای بە بردنەوەی لە یانەی فەنەرباهچە بووە پاڵەوانی جامی تورکیا بۆ وەرزی ٢٠١٥ - ٢٠١٦.

لە یاری کۆتایی جامی تورکیا و یاری دێربی ئیستانبوڵ یانەی گەڵاتەسەرای و فەنەرباهچە رووبەڕووی یەکتر بوونەوە.

یاریەکە کە لە یاریگای ستاد ئەنتاڵیا ئەرێنا لە ئەنتاڵیا بەڕێوەچوو تێدا هەردوو یانە تەواوی هەوڵی خۆیاندا بۆ ئەوەی نازناوەکە بەدەست بهێنن.

لە گێمی یەکەم دا یانەی گەلاتەسەرای لە رێگەی یاریزانی ئەڵمانی لوکاس پۆدۆڵسکی گۆڵێکی تۆمار کرد و یانەکەی پێشخست، بەم شێوەیەش کۆتایی بە گێمی یەکەم هات.

لە گێمی دووەم دا یانەی فەنەر هەوڵێکی زۆریدا بۆ ئەوەی گۆڵی بەرامبەر تۆمار بکات بەڵام هەوڵەکانی بێهوودە بوون و بەم ئەنجامە یارییەکە بە کۆتا هات و یانەی گەلاتەسەرای بووە پاڵەوانی جامەکە.