ریال مەدرید بە جیاوازیی سێ گۆڵ لە لێگانێسی بردەوە

مەدرید - AA

لە میانی یارییەکانی هەفتەی سێیەمی لا لیگادا، یانەی ریال مەدرید لەنێو یاریگای خۆیدا بە ئەنجامی ٤-١ لە یانەی لێگانێسی بردەوە.

یانەی شاهانە لە یاریگای سانتیاگۆ بێرنابیۆ میوانداریی لێگانێسی کرد و لە خولەکی ١٧دا، یانەی خاوەن ماڵ بە گۆڵێکی گارس بەیڵ پێشکەوت.

لە خولەکی ٢٤دا، لێگانێس بە لێدانێکی سزا لە لایەن گویدۆ کارییۆوە ئەنجامەکەی یەکسانکردەوە بۆ ١-١.

ریال مەدرید لە خولەکەکانی ٤٨ و ٦١دا لە رێگەی دوو گۆڵی کەریم بنزیماوە جیاوازیی گۆڵەکانی لەگەڵ یانەی میوان بۆ دوو گۆڵ بەرزکردەوە: ٣-١.

سێرجیۆ رامۆس لە خولەکی ٦٦دا، بە لێدانی سزا گۆڵی چوارەمی یانەی شاهانەی تۆمارکرد و ئەنجامەکەی کردە ٤-١.

لەبەر ئەوەش کە لە خولەکەکانی دواتردا هیچ گۆڵێک تۆمارنەکرا، یارییەکە لە بەرژەوەندیی ریال مەدرید و بە ئەنجامی ٤-١ کۆتایی هات.

ریال مەدرید سەرەڕای رۆیشتنی رۆناڵدۆ لە سێیەم هەفتەی لا لیگاشدا براوە بوو، بەوشێوەیەش کۆی خاڵەکانی بۆ نۆ خاڵ بەرزکردەوە و لێگانێس لە خاڵێکدا مایەوە.