ئازەربایجان: ''٦٥ کەس لە هێرشەکانی ئەرمینیادا گیانیان لەدەستداوە''

باكۆ ــ AA

بەهۆی هێرشی مووشەکیی و تۆپبارانی سوپای ئەرمینیاوە بۆسەر ناوچەکانی نیشتەجێبوون لە ئازەربایجان، تا ئەمڕۆ ٦٥ کەس گیانیان لەدەستداوە و ٢٩٧ی دیکەش برینداربوون.

سەرۆكایەتی داواكاری گشتیی ئازەربایجان، دوایین ئاماری لەبارەی زیانی گیانی و ماددی هێرشەکانی ئەرمینیای بڵاوكردەوە کە لە ٢٧ی ئەیلوول تا ٢٦ی تشرینی یەکەم ئەنجامی داون.

بەپێی ئامارەکان، ٦٥ هاووڵاتی مەدەنی ئازەربایجان گیانیان لەدەستداوە کە ١٨یان ژن و ١٠یان منداڵ بوون، هەروەها ٢٩٧ کەس برینداربوون کە ٦٩یان ژن و ٣٢یان منداڵن.