ئیندۆنێزیا.. گیانلەدەستدانی ٥٠ کەس

جاکرتا ــ AA

ئەوە راگەیەندرا کە بە ھۆی ئەو لافاوەی کە ناوچەکانی ھەرێمی پاپوا رۆژهەڵاتی ئیندۆنێزیای گرتەوە، ٥٠ کەس گیانیان لەدەستدا.

گوتەبێژی ئاژانسی نیشتمانیی بەڕێوەبردنی کارەساتە سروشتییەکانی ئیندۆنێزیا، سوتۆپۆ پورۆ نوگرۆھۆ لە لێدوانێکی رۆژنامەوانیدا رایگەیاند کە دوای ئەوەی باران بارینێکی بەخوڕ ناوچەکانی ھەرێمی پاپوای گرتەوە، لافاو لە ناوچەکە دروستبوو.

سوتۆپۆ پورۆ نوگرۆھۆ ئاماژەی بەوەشدا کە لە ئەنجامی لافاوەکەدا، ٥٠ کەس گیانیان لەدەستداوە و ٥٩ی دیکەش برینداربوون کە سەرجەمیان گواستراونەتەوە بۆ نەخۆشخانە.

ناوبراو باسی لەوەشکرد کە بە ھۆی ئەوەی تیمەکانی فریاکەوتن و رزگارکردن نەگەیشتوونەتە ژمارەیەک لەو ناوچانەی کە لافاو تیایاندا دروستبووە، ئەگەری ھەیە ژمارەی قوربانییەکان بەرزببێتەوە.