ئەفغانستان.. تەنها لە هەفتەی رابردوودا ٤٩ هاووڵاتی مەدەنی کوژراون

کابول- AA

لە میانی هەفتەی رابردوودا، ٤٩ هاووڵاتی مەدەنی لە ئەفغانستان بەهۆی پەلاماری چەکدارانی بزووتنەوە تاڵیبان، کوژراون.

گوتەبێژی وەزارەتی ناوخۆی ئەفغانستان، تاریق ئاریەن لە میانی لێدوانێکی بۆ رۆژنامەنووسان باسی لەوە کرد کە تەنها لە میانی هەفتەی رابردوودا، ٣٦٠ پەلاماری چەکداری لە ٢٢ ویلایەتی ئەفغانستان روویداوە.

ناوبراو ئەوەیشی ئاشکرا کە کە بەهۆی پەلامارەکانەوە، ٤٩ هاووڵاتی مەدەنی کوژراون و ٤٩ی دیکەش برینداربوون، زۆرینەی قوربانییەکانیش لە ویلایەتەکانی قەندەهار و زابول بوون.

تا ئێستاش بزووتنەوەی تاڵیبان هیچ راگەیەنراوێکی لەبارەی ئەم بابەتەوە بڵاونەکردووەتەوە.