ئەفغانستان.. کەوتنەخوارەوەی هێلیکۆپتەری سەربازیی

کابول - AA

لە ئاکامی کەوتنەخوارەوەی هێلیکۆپتەرێکی سەربازیی جۆری Mi-17 لە ویلایەتی مەیدان وەردەک ناوەڕاستی ئەفغانستان، چوار ئەندامی تیمی هێلیکۆپتەرەکە و پێنج کارمەندی ئاسایش گیانیان لەدەستدا.

وەزارەتی بەرگریی ئەفغانستان لە رایگەیەنراوێکدا ئاماژەی بەوداوە کە لە شارۆچکەی بەهسود، هێلیکۆپتەرێکی سەربازیی جۆری Mi-17ی سەربە هێزەکانی ئاسمانیی ئەفغانستان کەوتووەتەخوارەوە.

لە راگەیەندراوەکەدا باس لەوە کراوە کە لە رووداوەکەدا، چوار ئەندامی تیمی هێلیکۆپتەرەکە و پێنج کارمەندی ئاسایش گیانیان لەدەستداوە و لێکۆڵینەوە لە رووداوەکە دەستیپێکردووە.