بانگەشەی خستنە خوارەوەی فڕۆکەیەکی جەنگیی رژێمی سووریا

هێزەکانی ئۆپۆزسیۆنی سووریا بانگەشەی ئەوەیان کرد لە ناوچەی قەلەمونی باکووری دیمەشق فڕۆکەیەکی جەنگیی رژێمی سووریایان لە جۆری سو-٢٢ خستووەتە خوارەوە و فڕۆکەوانەکەیان بەدیل گرتووە.

بەپێی ئەو زانیارییانەی لە سەرچاوە لۆکاڵییەکانەوە دەستکەوتوون، لە ناوچەی قەلەمونی خۆرهەڵات کە دەکەوێتە باکووری دیمەشقەوە، جەنگیی رژێمی سووریا لە جۆری سو-٢٢ کەوتووەتە خوارەوە.

هێزەکانی ئۆپۆزسیۆن رایانگەیاند ئەوان فڕۆکەکەیان خستووەتە خوارەوە و فڕۆکەوانەکشیان بە دیل گرتووە.

بەپێی هەواڵێکی ئاژانسی فەرمی هەواڵیی سووریا (SANA) فڕۆکەکە بەهۆی کێشەیەکی تەکنیکییەوە کەوتووەتە خوارەوە.

مانگی رابردووش هێزەکانی ئۆپۆزسیۆنی فڕۆکەیەکی دیکەی رژێمیان لە هەمان ناوچە خستبووە خوارەوە.