بایدن داوای لە ناتانیاهو کرد "بە زووترین کات ڕێککەوتنی ئاگربەست واژوو بکرێت"
![بایدن داوای لە ناتانیاهو کرد "بە زووترین کات ڕێککەوتنی ئاگربەست واژوو بکرێت"](https://cdnuploads.aa.com.tr/uploads/Contents/2024/07/26/thumbs_b_c_738b17e727449c0826744644485a5912.jpg?v=093307)
Washington DC
واشنتون - AA
سەرۆکی ئەمریکا جۆ بایدن لە کۆشکی سپی پێشوازی کرد لە سەرۆکوەزیرانی ئیسرائیل بنیامین ناتانیاهو و داوای کرد چی زووە هەوڵ بدات بۆ چارەسەرکردنی بە خاڵە ناکۆکان و ڕێککەوتنی ئاگربەست کۆتایی پێ بێنن.
کۆشکی سپی لەبارەی دیدارەکەی بایدن و ناتانیاهو ڕاگەیاندراوێکی نووسراوی بڵاو کردەوە.
بە پێی ئەو ڕاگەیاندراوە، لە دیدارەکەدا، دوایین دۆخی غەززە، دانوستانەکان بۆ ئاگربەست کە تا ئێستا درێژەی هەیە و ئاڵوگۆڕی دیلەکان بە وردی قسەی لەبارەوە کراوە.
لە ڕاگەیاندراوەکەدا هاتووە، سەرۆک بایدن (لەبارەی ڕێککەوتنی ئاگربەست لە غەززە) جەختی لەوە کردووەتەوە کە خاڵە ناکۆکەکان چارەسەر بکرێت، و ئەگەر بکرێت لە زووترین کاتدا ڕێککەوتنەکە جێبەجێ بکرێت و دیلەکان بگەڕێنەوە ماڵەکانیان و جەنگی غەززە بە شێوەیەکی هەمیشەیی کۆتایی پێ بێت".
لە دیدارەکەدا هەروەها دۆخی مرۆییش باسی لێکراوە و سەرۆک بایدن بە سەرۆکوەزیرانی ئیسرائیلی ڕاگەیاندووە کە پێویستە بە پەلە هەموو یارمەتییە مرۆییەکان بگاتە خەڵکی فەڵەستین و بۆ ئەم مەبەستەش پێویستە هەموو بەربەست و گرفتەکان لابدرێن.
بایدن هەروەها لەو دیدارەدا جارێکی دیکە جەختی لە پاڵپشتی "بێ ئەملا و ئەملا"ی وڵاتەکەی بۆ ئیسرائیل دووپات کردووەتەوە و جەختیشی لەو کردووەتەوە کە دژ بە "هەڕەشەکان"ی ناوچەکە وەک ئێران و حزبوڵڵا، لەگەڵ ئیسرائیل هاوکاریی دەکات.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن