بایدن و ماکرۆن گفتوگۆیان کرد لە بارەی قەیرانی ئۆکراینا

واشنتۆن - AA

سەرۆکی ئەمریکا، جۆ بایدن و سەرکۆماری فەڕەنسا، ئیمانوێل ماکرۆن هەڵسەنگاندنیان بۆ دوایین رەوشی قەیرانی ئۆکراینا کرد.

بەپێی راگەیەندراوێکی کۆشکی سپی لە پەیوەندی تەلەفۆنیی نێوان بایدن و ماکرۆن دا، قەیرانی ئۆکراینا تاوتوێ کراوە.

هەردوو سەرکردە کە جەختیان لەسەر ئەوە کردووەتەوە لەنێوان هاوپەیمانانی ناتۆدا هەماهەنگیەکی نزیک هەیە دژبە کۆکردنەوەی سەرباز لەلایەن رووسیاوە لەسەر سنووری ئۆکراینا، دوایین سەردانی ماکرۆن-یان کرد بۆ مۆسکۆ و کیێڤ تاوتوێ کرد .

سەرکۆماری فەڕەنسا. ئیمانوێل ماکرۆن لە مۆسکۆ لەگەڵ سەرۆکی رووسیا، ڤلادیمیر پوتین و لە کیێڤ لەگەڵ سەرکۆماری ئۆکراینا، ڤلۆدۆیمیر زێلێنسكی قەیرانی سەر سنووری ئۆکراینای تاوتوێ کرد.