بایدن و ناتانیاهو پەیوەندییەکی تەلەفۆنیان ئەنجام دا

ئەنقەرە - AA

لە پەیوەندییەکی تەلەفۆنیدا لەگەڵ سەرۆکوەزیرانی ئیسرائیل، بنیامین ناتانیاهو سەرۆکی ئەمریکا، جۆ بایدن باسی لە گرنگیی پاراستنی هاووڵاتيیانی مەدەنی کرد لە غەززە.

بەپێی ڕاگەیەندراوێکی کۆشکی سپی، بایدن و ناتانیاهو پەیوەندییەکی تەلەفۆنیان ئەنجام داوە.

لەو پەیوەندیيە تەلەفۆنیيەدا تاوتوێی دوایین پێشهاتەکانی غەززە و ئازادکردنی بارمتەکانی دەست حەماس کراوە بە دیلە ئەمریکیەکانیشەوە.

بایدن و ناتانیاهو، باسیان لە هەرچی زووە دەرچوونی سەلامەتی ئەو هاووڵاتيیە بیانیيانە کرد کە دەیانەوێت لە غەززە دەرچن.

سەرۆکی ئەمریکا بایدن، جەختی لەسەر گرنگیی ناردنی هاوکاری مرۆیی بۆ غەززە و پاراستنی هاووڵاتيیانی مەدەنی ناوچەکە کردەوە.