جارێکی دیکە ئەپڵ بوویەوە بە بەھاترین مارکەی جیھان

ئەنقەرە

 

لە  لێکۆڵینەوەی رێکخراوی براند فینانس بۆ ٥٠٠ مارکەی بەھاداری جیھانی بۆ چوارم جار ئەپڵ بە بەھای ١٢٨ ملیار و سێ ملیۆن دۆلار وەک بە نرخترین مارکەی جیھان ھەڵبژێردرایەوە.

بەپێی ئەو زانیاریانەی کە پەیامنێری ئاژانسی ئانادۆڵو لە لێکۆڵینەوەی رێکخراوی براند فینانس بۆ ٥٠٠ مارکەی بەھاداری جیھانی دەستی کەوتوون، بۆ چوارم جار ئەپڵ بوویەوە بە بەھاترین مارکەی جیھان کە بە رێژەی لە %٢٣ بەھای بەرز بووەتەوە، دوای ئەوەیش مارکەی سامسونگە کە جیاوازی نێوانیان ٤٦ ملیار و پێنچ ملیۆن دۆلارە.

دووبارە ئەپڵ بە بەھای ١٢٨ ملیار و سێ ملیۆن دۆلار وەک بە نرخترین مارکەی جیھان ھەڵبژێردرایەوە.

لە ریزبەندی بە بەھاترین مارکەی جیھانی سامسونگ بە بەھای ٨١ ملیار و حەوت ملیۆن دۆلار بە پلەی دووەم ھەڵبژێردرا، بە بەراورد لەگەڵ ساڵی رابردووش کۆمپانیاکە بە رێژەی لە %٤ بەھای بەرز بووەتەوە، لە ریزبەندی سێیەم و چوارەمیشدا گۆگڵ و مایکرۆسۆفت دێن.

لەمساڵ پێنچ مارکەی بە ناوبانگی جیھانی لە چاو ساڵی رابردوو بە رێژەی لە %١٢,٣ واتا بۆ ٤١٣ ملیار و چوار ملیۆن دۆلار بەرز بوویەوە.

لە لایەکی دیکەوە، بە بەراودر لەگەڵ ساڵی رابردوو تویتەر بە رێژەیەکی بەرچاو بەھای بەرز بوویەوە کەلە ساڵی ٢٠١٣ بەھای تویتەر یەک ملیار و پێنچ ملیۆن دۆلار بوو، لەمساڵ بە رێژەی لە %١٨٥ واتا بۆ چوار ملیار و سێ ملیۆن دۆلار بەرز بووەتەوە. ھەروەھا کۆمپانیای فەیسبووک بەرێژەی لە %١٤٦ بەرزبووەتەوە و بەھاکەی گەیشتووەتە ٢٤ ملیارو یەک ملیۆن دۆلار.

ئەمریکا بە ١٨٨ مارکەوە لە ریزبەندی یەکەمدایە

لە لێکۆڵینەوەکەی رێکخراوەکەدا ھاتووە، لە نێو ٣١ وڵاتدا ١٨٨ مارکەی ئەمریکی کە بەھاکانیان دەگاتە دوو ترلیۆن و ٣٣ ملیار دۆلار بە پلەی یەکەم ھەڵبژێردراوە، دوای ئەویش وڵاتی چین دێت کە ٤٢ مارکەی ھەیەو بەھاکەیان دەگاتە ٣٩٧ ملیار و حەوت ملیۆن دۆلار، بە پلەی سێیەمش وڵاتی ژاپۆن دێت کە بەھای ٤٠ مارکەی دەگاتە ٣٤٩ ملیارو یەک ملیۆن دۆلارە.

بەپێی لێکۆڵینەوەی رێکخراوەکە لیستی ١٠ لە بەھاترین مارکەکانی جیھان بۆ ساڵی ٢٠١٥ بەم شێوەیەی خوارەوە ریزبەند کراوە: 

2015	2014	مارکە	وڵات	بەھای مارکە لە ٢٠١٤	بەھای مارکە لە ٢٠١٥
1	1	Apple	ئەمریکا	104,7	128,3
2	2	Samsung	کۆریای باشوور	78,8	81,7
3	3	Google	ئەمریکا	68,6	76,6
4	4	Microsoft	ئەمریکا	62,8	67
5	5	Verizon	ئەمریکا	53,5	59,8
6	7	AT&T	ئەمریکا	45,4	58,8
7	8	Amazon	ئەمریکا	45,2	56,1
8	6	General Electric	ئەمریکا	52,5	48
9	13	China Mobile	ھۆنگ کۆنگ	31,8	47,9
10	9	Walmart	ئەمریکا	44,8	46