روونكردنه‌وه‌ی نه‌ته‌وه‌ یه‌كگرتووه‌كان له‌باره‌ی نیكی هالی-ه‌وه‌

نه‌ته‌وه ‌یه‌كگرتووه‌كان - AA

گوته‌بێژی سكرتێری گشتیی نه‌ته‌وه ‌یه‌كگرتووه‌كان ستێفان دوجاریك رایگه‌یاند، هه‌واڵی ده‌ستله‌كاركێشانه‌وه‌ی نوێنه‌ری هه‌میشه‌یی ئه‌مریكا له‌ نه‌ته‌وه ‌یه‌كگرتووه‌كان نیكی هالی-یان له‌ راگه‌یاندنه‌كانه‌وه‌ پێگه‌یشتووه‌.

دوجاریك له‌باره‌ی ده‌ستله‌كاركێشانه‌وه‌ی نیكی هال‌ی-یه‌و وه‌ڵامی پرسیاری رۆژنامه‌وانانی دایه‌وه‌ و گوتی، "لێره‌دا زۆرینه‌مان بڕیاره‌كه‌مان له‌ مێدیاكانه‌وه‌ بیستووه‌".

ناوبراو رایگه‌یاند كه‌ پێشتر ئاگاداری بڕیاره‌كه‌ نه‌بووه‌ و گوتی، "سكرتێری گشتی ئه‌نتۆنیۆ گوتێرێس سوپاسی هه‌ماهه‌نگی و پشتگیرییه‌كانی نیكی هاڵه‌ی ده‌كات".

دوجاریك راشیگه‌یاند كه‌ گوتێرێس و هالی پێكه‌وه كاریان كردووه‌ بۆ هاندانی په‌یوه‌ندیی بنیاتنه‌ری به‌هێزه‌ له‌نێوان ئه‌مریكا و نه‌ته‌وه ‌یه‌كگرتووه‌كاندا.

به‌یانیی ئه‌مڕۆ نوێنه‌ری هه‌میشه‌یی ئه‌مریكا له‌ نه‌ته‌وه‌ یه‌كگرتووه‌كان نیكی هالی له‌ كۆشكی سپی به‌هاوبه‌شی له‌گه‌ڵ سه‌رۆكی ئه‌مریكا دۆناڵد تره‌مپ رایگه‌یاند، تا كۆتایی ئه‌مساڵ ده‌ستبه‌رداری ئه‌ركه‌كه‌ی ده‌بێت.