ستۆڵتنبێرگ: ''لەگەڵ تورکیا هاوپەیمانماندا لە هەماهەنگیی تەواوداین''

برۆکسل - AA

دوای ئەو بوومەلەرزە بەهێزەی پارێزگای مەڕەشی تورکیای هەژاند، سکرتێری گشتیی ناتۆ، یانس ستۆڵتنبێرگ، ئاماژەی بەوە کرد کە هاوپەیمانان لەگەڵ تورکیادا لە هەماهەنگییدان و ئامادەی هاوکارین.

لە هەژماری خۆی لە تویتەر، ستۆڵتنبێرگ تویتێکی سەبارەت بەو بوومەلەرزەیە کرد کە بە گوڕی ٧،٤ پلە پارێزگای مەڕەشی تورکیای هەژاند و ١٠ پارێزگای دیکەشی گرتەوە.

سکرتێری ناتۆ ستۆڵتنبێرگ رایگەیاند: "لەهەماهەنگی تەواوداین لەگەڵ تورکیا. لەپەیوەندیدام لەگەڵ سەرکۆمار ئەردۆغان و وەزیری دەرەوە چاوشئۆغڵو. ناتۆ لەئێستادا ئامادەیە بۆ پێشکەشکردنی هاوکاری".