عێراق و سعوودیە یاداشتنامەیەکی لێکتێگەیشتینان لە بواری ئاسایشدا واژوو کرد

ھەولێر – AA

وەزیری ناوخۆی عێراق، عەبدولئەمیر شممەری و وزیری ناوخۆی سعوودیە، عەبدولعەزیز بن سعود یاداشتنامەیەکی لێکتێگەیشتنیان لە بواری ئاسایش لەنێوان ھەردوو وڵاتدا واژوو کرد.

وزارەتی ناوخۆی عێراق لە راگەیەندراوێکدا ئاماژەی بەوەداوە کە عەبدولئەمیر شممەری بەسەردانێکی فەرمی گەیشتووەتە سعوودیە و لە میانیدا لەگەڵ وەزیری ناوخۆی ئەو وڵاتە، عەبدولعەزیز بن سعود کۆبووەتەوە.

راشیگەیاندووە کە لە میانی کۆبوونەوەکەدا، عەبدولئەمیر شممەری و عەبدولعەزیز بن سعود یاداشتنامەیەکی لێکتێگەیشتنیان لە بواری ئاسایش لەنێوان ھەردوو وڵاتدا واژوو کردووە.

باسی لەوەش کردووە کە یاداشتنامەکە، ھەموو جۆرەکانی ھاریکاریی ئەمنی، ئاڵوگۆڕکردنی دیدی ھاوبەش، ھەروەھا کاراکردنی کاری ئەمنی ھاوبەش بە ئامانجی دەستەبەرکردنی ئاسایشی زیاتر بۆ عێراق و سعوودیە لەخۆدەگرێت.

لە دوای ساڵی ١٩٨٣وە، ئەمە یەکەمجارە یاداشتنامەیەکی لێکتێگەیشتن لەنێوان عێراق و سعوودیە لە بواری ئاسایشدا واژوو دەکرێت.