عەلیێڤ و پاشینیان لە ئەبو زەبی کۆبوونەوە

باکو - AA

کۆبوونەوەی سەرکۆماری ئازەربایجان، ئیلهام عەلیێڤ و سەرۆکوەزیرانی ئەرمینیا، نیکۆل پاشینیان لە ئەبو زەبی پایتەختی ئیمارات دەستیپێکرد.

سەرۆکایەتی کۆماری ئازەربایجان، لە ڕاگەیەندراوێکدا ئاماژە بەوە کرد کە عەلیێڤ و پاشینیان لە چوارچێوەی پرۆسەی ئاشتیی بەردەوامی نێوان ئازەربایجان و ئەرمینیا لە ئەبو زەبی کۆبوونەتەوە.

لەسەر پێشنیاری باکو، ئازەربایجان و ئەرمینیا دوای جەنگی دووهەمی قەرەباغ دەستیان بە گفتوگۆکانی ئاشتیی کرد و، لە ئاداری ٢٠٢٥دا لەسەر دەقی ڕێککەوتننامەی ئاشتیی ڕێککەوتن.

حکوومەتی ئازەربایجان مەرجی هەموارکردنەوەی دەستووری ئەرمینیا کە تۆمەتی لە بارەی سەروەری و یەکپارچەیی خاکی ئازەربایجان لەخۆگرتووە و هەڵوەشاندنەوەی گرووپی مینسک سەربە ڕێکخراوی ئاسایش و هاریکاری ئەورووپا (AGİT) خستووەتەڕوو بۆ واژووکردنی ڕێککەوتنەکە.

دوایین جار عەلیێڤ و پاشینیان لە چوارچێوەی شەشهەمین لووتکەی کۆمەڵگەی سیاسی ئەورووپا کە مانگی ئایار لە تیران پایتەختی ئەلبانیا بەڕێوەچوو، کۆبوونەوە.