Ömer Faruk Yıldız
25 شوبات 2021•نوێکردنەوە: 25 شوبات 2021
كوالا لومپور – AA
فهیسبووك و ئینستاگرام تهواوی ههژمارهكانی سوپای میانمار كه له رێگای كودهتای سهربازییهوه دهستی بهسهر دهسهڵاتدا گرتووه بلۆک کرد.
فهیسبووك له راگهیهندراوێكدا ئاماژهی بهوه داوه كه چوارچێوهی قهدهغهكردنی ههژمارهكانی سوپای میانماریان فراوان كردووه و لهو میانهیهیشدا قهدهغهكردنەکە، ههژمارهكانی سوپای میانماریش دهگرێتهوه له ئینستاگرام كه كۆمپانیایهكی هاوپشكیهتی.
له راگهیهندراوهكهدا تیشكخراوهته سهر ئهوهی كه رێكلامی ههژماره بازرگانییهكانی پهیوهندیدار به حوكمڕانی سهربازیی میانماریش قهدهغه كراون.
له ٢١ی شوباتدا فهیسبووك لاپهڕهی فهرمیی زانیاریی سوپای میانماری بلۆک کرد.
دوای ئهوهی لایهنه سیاسییهكانی نزیك له سوپای میانمار له هەشتی تشرینی دووهمی ٢٠٢٠ بانگهشهی ئهوهیان كرد كه له ههڵبژاردنه گشتییهكاندا ساختەکاری كراوه و گرژییهكان لهو وڵاته تهشهنهیان سهند، سوپا له یەکی شوباتدا دهستی بهسهر دهسهڵاتدا گرت.
