لە ئەبو زەبی گەرێکی نوێی دانوستان لەنێوان ڕووسیا و ئۆکراینا و ئەمریکا دەستی پێ کرد

ئیستانبوڵ ــ AA

وەزیری بەرگریی ئۆکراینا، ڕۆستەم عومەرۆڤ ڕایگەیاند کە لە ئەبو زەبی پایتەختی ئیمارات گەرێکی نوێی دانوستان لەنێوان ڕووسیا و ئۆکراینا و ئەمریکا دەستی پێ کردووە.

ڕۆستەم عومەرۆڤ لە ھەژماری خۆی لە تۆڕی کۆمەڵایەتی فەیسبووک، نووسیوویەتی: "لە ئەبو زەبی پایتەختی ئیمارات گەرێکی دانوستانی سێقۆڵیی لەنێوان ڕووسیا و ئۆکراینا و ئەمریکا دەستی پێ کردووە".

ڕاشیگەیاندووە: "دوای دانوستانەکە، کاری گرووپە جیاجیاکان بەپێی ڕێڕەوی دیاریکراو بەڕێوەدەچێت و دواتر ھەڵوێستەکان بە ھاوبەشی و ھەماھەنگی ڕێکدەخرێن".