نیجەر.. ژمارەی قوربانییانی لافاوەکان گەیشتە ٣٥ کەس

داکار- AA

لە نیجەر بەهۆی بارانی بەلێزمەوە، لافاو دروستبوو و تا ئیستاش ژمارەی قوربانییانی لافاوەکان گەیشتووەتە ٣٥ کەس.

بەرگریی شارستانی نیجەر لە راگەیەندراوێکدا نوێترین ئامارەکانی تایبەت بە زەرەر و زیانەکانی لافاوەکەی بڵاوکردەوە.

لە راگەیەندراوەکەدا باس لەوە کراوە کە بەهۆی ئەو بارانە بەلێزمەیەی لە مانگی حوزەیرانەوە دەستی پێ کردووە تا ئێستا، دوو هەزار و ٥٠٠ خانوو ژێرئاو کەوتوون.

٢٦ هەزار و ٥٣٢ کەسیش بەهۆی لافاوەکەوە زەرەرمەندبوون، ٢٠ کەس بەهۆی داڕووخانی خانووەکانەوە و ١٥ کەسیش بەهۆی خنکانەوە گیانیان لەدەستداوە.

ساڵانە لە مانگی حوزەیرانەوە تا مانگی ئەیلوول، بارانی وەرزیی لە نیجەر دەبارێت و ئەمەش دەبێتە هۆی زیادبوونی لافاوەکان.

ساڵی رابردوو بەهۆی لافاوەوە، ٣٥٠ هەزار کەس زەرەرمەندبوون و ٧٣ کەسیش گیانیان لەدەست دا.