نێجیریا.. لە ئاکامی هێرشێکی چەکداریدا ٢٦ کەس کوژران

ئەبوجا - AA

لە پەلامارێکی چەکدارییدا لە ویلایەتی تارابا لە نێجیریا، لانیکەم ٢٦ کەس کوژران.

بەپێی ئەو هەواڵانەی لە راگەیاندنی نیشتمانیی ئەو وڵاتەدا بڵاوکراونەتەوە لە ناوچەکانی تۆر-دامیسا و دۆنگا-ی سەربە ویلایەتی تارابا چەند کەسێک کە ناسنامەکانیان ئاشکرا نەکراوە پەلامارێکیان ئەنجام دا.

لە ئاکامدا لانیکەم ٢٦ کەس کوژران و ژمارەیەکی زۆریش برینداربوون.

لەلایەکی دیکەوە زانراوە پەلامارەکە بە ئامانجی توڵەسەندنەوەی شوانێک بووە کە پێشتر لە ناوچەکەدا کوژراوە.

- بەکارهێنانی مۆتۆڕسکیل قەدەغە کرابوو

لە نێجیریا بەهۆی ئەوەی لە رێی مۆتۆڕسکیلەوە پەلاماری چەکداریی ئەنجامدەدرێت لە ژمارەیەک ویلایەت بەکارهێنانی مۆتۆڕسکیل قەدەغە کرابوو.

زۆرجار پێکدادانی قورس لەنێوان فولانییەکان کە بە ئاژەڵدارییەوە سەرقاڵن و بەشێک لە تیرەکانی ناوچەکە کە بە کشتوکاڵەوە خەریکن پێکدادانی سەخت روودەدات.

فولانییەکان کە بە مەبەستی لەوەڕاندنی ئاژەڵەکانیان بۆ باشووری وڵاتەکە کۆچ دەکەن، بانگەشەی ئەوە دەکەن لەلایەن جووتیارانی ناوچەکە ئاژەڵەکانیان دەدزرێن و هێرشیان دەکرێتە سەر.