پاکستان.. گیانلەدەستدانی ٤٨ کەس بە لافاو

پیشاوەر - AA

ژمارەی ئەو کەسانەی بە هۆی بارانی بەخوڕ و دروستبوونی لافاو لە باکووری خۆرئاوای پاکستان گیانیان لەدەستدا، بەرزبووەوە بۆ ٤٨ کەس.

بەرپرسانی ناوچەکە باس لەوە دەکەن کە بەهۆی بارینی بارانی بەلێزمەوە، لە ویلایەتی خەیبەر پاهتونهوا، سەدان خانوو رووخاون یان زیانیان بەرکەوتووە، ٢٤ کەسی دیکەش گیانیان لەدەستداوە، بەوەیش ژمارەی ئەوانەی بەهۆی ئەو کارەساتە سروشتیەوە گیانیان لەدەستداوە گەیشتووەتە ٤٨ کەس.

لە ناوچەکەدا سەربازان بەشداری لە هەڵمەتەکانی گەڕان و رزگارکردندا دەکەن.

هەروەها بە هۆی بارانی بەخوڕ و لافاو خلیسکانی زەوی لە ناوچەکە روویداوە و، رێگای هەندێ ناوچە داخراون کە لە ئێستادا تیمەکان سەرقاڵی پاککردنەوەیانن.

لە مانگی ئابدا، ئەو رووداوە سروشتیانەی بە هۆی بارانی وەرزیەوە دروست بوون لە ماوەی شەش رۆژدا گیانلەدەستدانی ٦٣ کەسیان لێکەوتووەتەوە.