کۆمپانیای ئەپڵ دەیەمین ساڵیادی کۆچی دوایی ستێڤ جۆبز بەرز رادەگرێت

نیویۆرک- AA

لە دەیەمین ساڵیادی کۆچی دوایی دامەزرێنەر و بەڕێوبەری گشتی کۆمپانیای ئەپڵ، ستێڤ جۆبز، کۆمپانیاکە وەک رێزلینانێک کورتەفیلمێکی لەسەر ژیان و خێزانی جۆبز بڵاوکردەوە.

ئەم کورتەفیلمە کە لە ماڵپەڕی سەرەکی کۆمپانیای ئەپڵ بڵاوکراوەتەوە لەڕێی ڤیدیۆ و وێنەوە باس لە ژیانی ستێڤ جۆبز دەکات کە لە پێنجی تشرینی یەکەمی ٢٠١١دا بە شێرپەنجەی پەنکریاس کۆچی دوایی کرد.

ھەروەھا لێدوانی ئەندامانی خێزانی ناوبراویش لە ماڵپەڕەکەدا بڵاوکراونەتەوە.