پاریس ..کۆبوونەوەی موسڵ

پاریس AA

وەزیری دەرەوەی فەرەنسا یان مارک ئایرۆڵت لەمیانی کۆبوونەوەیەکی لەگەڵ پەیامنێرانی دیپلۆماسیدا ئاماژەی بەوەدا کە وڵاتکەی بۆ ئامادەکاری پلانی سەقامگیری و داهاتووی موسڵ، رۆژی پێنچشەممە لە پاریس کۆبوونەوەیەک لەسەر ئاستی وەزیرانی وڵاتان رێکدەخات.

ئایرۆڵت ئاماژەی بەوەدا کە بەبەشداری ئەمریکا، تورکیا ،یەکێتی ئەوروپا و وڵاتانی کەنداو کۆبوونەوەیەک رێکدەخات بۆ ئامادەکاری پلانی سیاسی و سەقامگیری بۆ موسڵ.

ناوبراو ئاشکرای کرد کە ٢٠ وڵات بەشدار دەبن لە کۆبوونەوەکەدا جگە لەئێران، ئەمە لەکاتێکدایە کە وەزیری دەرەوەی عێراق ئیبراهیم جەعفەری سەرۆکایەتی کۆبوونەوەکە دەکات .

ئایراوڵ گوتی: "دەبێت جەنگەکە ببرێتەوە بەڵام بەدەستهێنانی ئاشتی و گەران بەدوای رێگەکانیدا کارێکی گرنگە، دەبێت پێش هەموو شت هەوڵی پاراستنی کەسانی مەدەنی موسڵ و گوندەکانی چواردەور بدرێت و یارمەتیی مرۆییان بۆ رەوانە بکرێت".

ناوبراو ئاماژەی بەوەدا کە ئامادەکردنی پلانی سەقامگیری بۆ موسڵ و ناوچەکە زۆر گرنگەو دووپاتیشی کردەوە کە نیگەرانیەک هەیە لەبارەی هەڵهاتنی تیرۆریستانی داعش بۆ ناو سووریا لەدوای دەرکردنیان لە موسڵ .

وەزیرانی بەرگری هاوپەیمانی دژ بە داعش لە ٢٥ ی ئەم مانگەدا لا پاریس کۆدەبنەوە .