بوومەلەرزەیەک بە گوڕی ٤،٧ پلە پارێزگای دهۆکی ھەژاند

هەولێر - AA

بوومەلەرزەیەک بە گوڕی ٤،٧ پلە بە پێوەری رێختەر ھەردوو قەزای ئامێدی سەربە پارێزگای دھۆک و قەزای چوکورجای سەربە پارێزگای ھەکاری باشووری رۆژھەڵاتی تورکیا ھەژاند.

سەرۆکایەتی بەرێوەبردنی کارەسات و دۆخە لەناکاوەکان لە تورکیا (AFAD) لە ماڵپەڕی فەرمیی خۆی بڵاویکردووەتەوە کە کاتژمێر ٠٩:٤١ی بەیانی ئەمڕۆ دووشەممە، بوومەلەرزەیەک بە گوڕی ٤،٧ پلە بە پێوەری رێختەر ھەردوو قەزای ئامێدی سەربە پارێزگای دھۆک و قەزای چوکورجای سەربە پارێزگای ھەکاری باشووری رۆژھەڵاتی تورکیا ھەژاندووە.

راشیگەیاندووە کە بوومەلەرزەکە لە قوڵایی ١٢ کیلۆمەتر لە توێکڵی زەویدا رووی داوە.