دەستگیركردنی موفتییەكی داعش لە كەركووك

هەولێر ــ AA

ئاژانسی هەواڵگریی سەربە وەزارەتی ناوخۆی عێراق رایگەیاند كە موفتی بەناو دیوانی دادگا و ستەم سەربە داعش لە شاری كەركووك باكووری عێراق دەستگیركراوە.

ئاژانسی ناوبراو لە راگەیەندراوێكدا بڵاوی كردەوە كە پشت بەستن بە زانیارییەكانی هەواڵگریی و لە میانی سەرچاوەكانەوە، هێزەكانی ئاژانسی هەواڵگریی سەربە پۆلیسی فیدرال لە وەزارەتی ناوخۆ یەك تیرۆریستیان لە گەڕەكی حوڕییە لە شاری كەركووك دەستگیركردووە كە بەپێی ماددەی چواری تیرۆر بەتۆمەتی ئەندامبوون لە داعش داواكراوە و وەك موفتی بەناو دیوانی دادگا و ستەم سەربە داعش لە كەرتی عەباسی، هەروەها لە بەناو كەرتی سەربازیی داعشیش كاری كردووە.

بەپێی راگەیەندراوەكە ئەو تیرۆریستە دوو برای هەیە كە لەنێو رێكخراوی داعش دان و بەپێی ماددەی چواری تیرۆر داواكراون.

لە راگەیەندراوەكەدا ئەوەیش خراوەتەڕوو، ئەو تیرۆریستە دوای وەرگرتنی گوتەكانی كە دانی بە ئەندامبوونی لە رێكخراوی داعش ناوە بە مەبەستی تەواوكردنی لێكۆڵینەوەکان رەوانەی پەیوەندیدار كراوە.