عێراق.. دەستگیرکردنی بەناو دادوەرێکی داعش

ھەولێر ــ AA

ھێزەکانی ئاژانسی ھەواڵگریی و لێکۆڵینەوەی فیدراڵیی سەربە وەزارەتی ناوخۆی عێراق لە میانی ئۆپەراسیۆنێکدا، گەورە تیرۆریستێکی داعشیان دەستگیرکرد.

بەپێی راگەیەندراوێکی شانەی راگەیاندنی ئەمنی سەربە فەرماندەیی ئۆپەراسیۆنە ھاوبەشەکانی عێراق، ھێزەکانی ئاژانسی ھەواڵگریی و لێکۆڵینەوەی فیدراڵیی لە میانی ئۆپەراسیۆنێکدا، بەناو دادوەریی کەتیبەی فاروق سەربە داعشیان دەستگیرکردووە.

لە راگەیەندراوەکەدا باس لەوەشکراوە کە گەورە تیرۆریستە دەستگیرکراوەکە لە ماوەکانی رابردوودا، چەندین کردەی تیرۆریستی بەرامبەر بە ھێزە ئەمنییەکان و ھاووڵاتییان ئەنجامداوە کە بەھۆیەوە ژمارەیەک پۆلیس و ھاووڵاتی کوژراون.

ئەوەیش خراوەتەڕوو کە دەستگیرکراوەکە دوای وەرگرتنی گوتەکانی، رێوشوێنی یاسایی لەبەرامبەری گیراوەتەبەر.

لە راگەیەندراوەکەدا، زانیاری زیاتر نەخراوەتەڕوو بەتایبەتیش لەبارەی ئەو ناوچەیەی کە گەورە تیرۆریستەکەی داعش تیایدا دەستگیرکراوە.