عێراق.. ھێرشێکی داعش کوژران و برینداربوونی دوو سەربازی لێکەوتەوە

ھەولێر ــ AA

ھێرشێکی تیرۆریستانی داعش بۆسەر خاڵێکی سوپای عێراق لە باکووری بەغدا، کوژران و برینداربوونی دوو سەربازی لێکەوتەوە.

ئەفسەر لە پۆلیسی بەغدا، نەقیب حاتم جابری بە ئاژانسی ئانادۆڵوی راگەیاند کە درەنگانی شەوی رابردوو، تیرۆریستانی داعش، ھێرشیانکردووەتە سەر خاڵێکی سوپای عێراق لە ناوچەی نەباعی سەربە قەزای تارمییە باکووری بەغدا.

نەقیب حاتم جابری باسی لەوەشکرد کە لە ئاکامی ھێرشەکەدا، سەربازێک کوژراوە و یەکێکی دیکەیش برینداربوو.

وێرای ئەوەی کە ھێزە عێراقییەکان داعش-یان لە ناوچەکان شکست پێ ھێناوە، بەڵام شانە نووستووەکانی رێکخراوەکە تا ئێستا بەردەوامن لەسەر ھێرشەکانیان بەتایبەت لە ناوچەکانی سەربە پارێزگاکانی نەینەوا، کەرکووک، دیالە، سەڵاحەددین و ئەنبار.