پڕۆژەیاسای بوودجەی گشتیی عێراق گەیشتە ئەنجوومەنی نوێنەران

جێگری یەکەمی سەرۆکی ئەنجوومەنی نوێنەرانی عێراق، حەسەن کەعبی رایگەیاند کە پڕۆژەیاسای بوودجەی گشتیی ٢٠٢١، گەیشتووەتە ئەنجوومەنی نوێنەران.

حەسەن کەعبی لە راگەیەنراوێکدا ئاماژەی بەوەداوە کە ئەمڕۆ سێشەممە، پڕۆژەیاسای یاسای بوودجەی گشتیی ٢٠٢١، گەیشتووەتە ئەنجوومەنی نوێنەران.

دوێنێ دووشەممە گوتەبێژی ئەنجوومەنی وەزیرانی عێراق، حەسەن نازم راگەیاندبوو کە سبەی سێشەممە، ئەنجوومەنی وەزیران پڕۆژەیاسای بوودجەی گشتیی ٢٠٢١ رەوانەی ئەنجوومەنی نوێنەران دەکات.

پێشتر جێگری دووەمی سەرۆکی ئەنجوومەنی نوێنەرانی عێراق، بەشیر حەداد رایگەیاندبوو کە ماوەی تاوتوێکردن و دەنگدان لەسەر پڕۆژەیاسای بوودجەی گشتیی ٢٠٢١ لە ئەنجوومەنی نوێنەران، ٢٠ رۆژ دەخایەنێت.