پەیامی نێچیرڤان بارزانی لە ساڵڕۆژی بۆردومانکردنی قەڵادزێدا

ھەولێر ــ AA

سەرۆکی ھەرێمی کوردستان، نێچیرڤان بازرانی رایگەیاند، ئەمڕۆ بە شکۆوە یادی ٤٧ ساڵەی شەھیدانی قەڵادزێ دەکەنەوە کە بەھۆیەوە ١٢٣ ھاووڵاتی، فەرمانبەر، قوتابی و مامۆستای زانکۆ شەھیدبوون و زیاتر لە ٤٠٠ی دیکەش بریندار بوون.

سەرۆکی ھەرێمی کوردستان، نێچیرڤان بازرانی لە چل و حەوتەمین ساڵڕۆژی بۆردومانکردنی قەڵادزێدا لە ھەژماری تایبەتی خۆی لە تۆڕی کۆمەڵایەتی تویتەر پەیامێکی بڵاویکردەوە.
لە پەیامەکەی نێچیرڤان بارزانی-دا ھاتووە:"ئەمڕۆ بە شکۆوە یادی ٤٧ ساڵەی شەھیدانی قەڵادزێ دەکەینەوە کە ٢٤ی نیسانی ١٩٧٤ لە بۆردومانی فڕۆکە جەنگییەکانی ڕژێمی ئەوسای عێراقدا ١٢٣ ھاووڵاتی و فەرمانبەر و قوتابی و مامۆستای زانکۆ شەھید و زیاتر لە ٤٠٠ی دیکەش بریندار بوون، سڵاو و دروود بۆ گیانی پاکیان دەنێرین".

٤٧ ساڵ لەمەوبەر و لەڕۆژی ۲٤ ی نیسانی ساڵی ۱۹۷٤ دا، شاری قەڵادزێ لەلایەن ڕژێمی لەناوچووی بەعسەوە بۆردمانکرا و لەئاکامدا ١٢٣ ھاووڵاتی سڤیل، فەرمانبەر، قوتابی و مامۆستای زانکۆی سلێمانی کە ئەو کات لە قەڵادزێ بوون، شەھیدبوون و زیاتر لە ٤٠٠ کەسی دیکەش برینداربوون.