ئەفسانەی باسکە کەی. سی. جۆنس کۆچی دوایی کرد

ئیستانبوڵ - AA

یاریزانی بەناوبانگی باسکە، کەی. سی. جۆنس کە یاریزانی پێشووی یانەی بۆستۆن سێلتیکس-ی ئەمریکی بوو کۆچی دوایی کرد.

لەو بارەیەوە یانەکە لە ماڵپەڕی تایبەتی خۆی راگەیەندراوێکی بڵاوکردەوە و تیایدا ئەوە خراوەتەڕوو کە جۆنس لە تەمەنی ٨٨ ساڵیدا کۆچی دوایی کردوە.

کەی. سی. جۆنس لە ساڵانی شەستەکانی سەدەی رابردوودا یەکێک بوو لە ئەفسانەکانی یاری باسکە و ھەشت جار لەگەڵ یانەکەی نازناوی پاڵەوانیان بەدەستھێنابوو.

ناوبراو لە ساڵی ١٩٥٦دا و لە میانەی ئۆڵۆمپیاتی مێلبۆرن، لە ریزی ھەڵبژاردەی ئەمریکا یاری کردبوو و مەدالیای زێڕی بەدەستھێنابوو.

جۆنس، لە ساڵانی ١٩٨٣- ١٩٨٨راھێنەری یانەی بۆستۆن سێلتیکس بووە و لەو ساڵانەدا یانەکە دووجار نازناوی پاڵەوانی بەدەستھێناوە.