Во изминатото деноноќие во Северна Македонија евидентирани 760 новозаразени со Ковид-19

СКОПЈЕ (АА) - Во последните 24 часа во Република Северна Македонија регистрирани се 760 нови случаи на коронавирусот, Ковид-19, со што вкупната бројка на евидентирани случаи од почетокот на епидемијата во земјата достигна 178.159, пренесува Агенција Анадолија (АА).

Во истиот период пријавени се 23 починати лица од Ковид-19. Билансот на смртни случаи од вирусот достигна 5.987.

Институтот за јавно здравје регистрира 644 оздравени пациенти од Ковид-19, додека вкупната бројка на досега излекувани изнесува 157.294.

Во моментот, бројот на активни случаи со Ковид-19 е 14.878.

Министерството за здравство информира дека во последните 24 часа се реализирани 5.724 тестирања за Ковид-19, а досега во земјата се направени вкупно 1.169.901 тестирање.