Груби: Се чека објава во Службен весник за одлуката за Џафери

СКОПЈЕ (АА) - Пратеникот од ДУИ, Артан Груби, пред Собранието на Република Македонија изјави дека претседателот на Парламентот, Талат Џафери, кој беше избран од страна на парламентарното мнозинство во хаотична состојба на 27 април, наутро дојде до Собранието за вршење на дневните административни работи, јавува Anadolu Agency (AA).

Груби истакна дека Џафери ги потпиша сите административни одредби за услугите во парламентот, за да се овозможи неговата работа во кабинетот на претседателот на Македонија, кои, како што е рече, беа испратени до генералниот секретар на Собранието и се архивирани со број на архива и протокол во согласност со регулативата.

„Добивме одговор од секретарот на Собранието, со кој се бара решението за новиот претседател на Собранието да се објави во Службен весник, а потоа да дејствува во согласност со барањата на новиот претседател”, рече Груби, додавајќи дека очекуваат спроведување на одредбите на новиот претседател, со што ќе се овозможи нормално функционирање на кабинетот на претседателот и Собранието.

Во меѓувреме, во текот на денешниот ден, пратеничката група на ВМРО-ДПМНЕ, меѓу кои и претседателот на партијата Никола Груевски и актуелниот претседавач на конститутивната седница, Трајко Вељаноски, остварија средба во Кабинетот на претседателот на Собранието, на која, како што рекоа, „го реафирмирале ставот дека обидот да избор на претседателот на парламентот со кршење на Деловникот и Уставот е нелегално”.

Во врска со ова, Груби нагласи дека новиот претседател на Собранието својата функција може да ја извршува и во канцеларијата што ја имал досега. Тој додаде дека немале никаков контакт со членовите на ВМРО-ДПМНЕ во Собранието, и ги повика, ако тие ја имаат узурпирано канцеларијата на кабинетот, да ја ослободат што е можно поскоро, бидејќи канцеларијата е само простор.

„Мора да имаме предвид дека една канцеларија не е институција, туку институција е Талат Џафери, кој е претседател што инвестира во волјата на мнозинството граѓани преточена во гласање за негово избирање како претседател на Собранието, истакна Груби.

Потсетуваме дека вечерта на 27 април, по изборот на Талат Џафери за претседател на Собранието, од страна на парламентарното мнозинство предводено од Социјалдемократскиот сојуз, во хаотична ситуација, демонстрантите симпатизери на ВМРО-ДПМНЕ кои се собраа пред зградата на Парламентот, влегоа на сила во зградата. Како резултат на насилството од страна на демонстрантите кон пратениците, беа повредени околу 100 луѓе, вклучувајќи и пратеници, полицајци и претставници на медиумите.