СКОПЈЕ (АА)

Честитка до Доналд Трамп, кандидатот на демократите, по повод изборната победа на претседателските избори во САД упатиla pолитичките лидери од земјитре на Западен Балкан, известува Анадолу.

- Честитки од државниот врв на Северна Македонија

Државниот врв на Северна Македонија упати честитки од републиканскиот кандидат Доналд Трамп кој објави победа на вчерашните избори во САД.

Претседателката на Северна Македонија, Гордана Силјановска-Давкова, преку објава на социјалните мрежи, му честиташе на Трамп изразувајќи уверување дека соработката меѓу двете земји ќе продолжи.

„Честитки до новоизбраниот претседател на САД, Доналд Трамп. Посакувам вашето лидерство да донесе напредок и светла иднина за сите Американци. Уверена сум дека, со нашите заеднички цели и силното партнерство, ќе продолжиме да ја зајакнуваме нашата соработка“, наведе Силјановска-Давкова.

Во објавата на социјалната мрежа Х, премиерот Мицкоски вели:

„Во мое лично име и во име на граѓаните, упатувам срдечни честитки до претседателот @realDonaldTrump за неговата победа на изборите за претседател на Соединетите Американски Држави. Оваа победа е потврда на длабоката верба на американскиот народ во принципите на слободата и демократијата. Со нетрпение очекуваме натамошно продлабочување на нашето цврсто партнерство и соработка, особено во областите на безбедноста, економскиот развој и демократските реформи.“

Премиерот Мицкоски во објавата наведе дека Македонија останува посветена на градењето уште посилни врски со САД, како стратешки сојузник и пријател, што ќе продолжат да ја зајакнуваат стабилноста и напредокот на целиот регион.

„Честитки и најдобри желби до претседателот Трамп и до целиот американски народ!“, наведе Мицкоски во објавата на Х.

Министерот Муцунски во честитката до Трамп објавена на социјалната мрежа Х наведе:

„Честитки до претседателот @realDonaldTrump за неговата изборна победа!“

„Со нетрпение очекувам да работам со мојот добар пријател @RichardGrenell и новата администрација на Трамп за да ја унапредиме нашата заедничка визија за глобален мир и просперитет. Заедно, можеме да изградиме силни партнерства и да поттикнеме позитивни промени на меѓународната сцена“, истакна министерот Муцунски во објавата на социјалната платформа Х.

- Премиерот на Хрватска Пленковиќ со честитки до Трамп

Премиерот на Хрватска, Андреј Пленковиќ, му честиташе на Доналд Трамп, кандидатот на демократите, за изборната победа на претседателските избори во САД.

„Му честитам на Доналд Трамп за убедливата победа и неговиот втор мандат како претседател на САД. Се радувам на нашата соработка и натамошно унапредување на односите“, наведе Пленковиќ.

- Честитки од БиХ

Политичарите од Босна и Херцеговина упатија честитки до Доналд Трамп, кандидатот на републиканците, по повод неговиот избор за претседател на Соединетите Американски Држави.

Претседателот на Претседателството на БиХ, Денис Беќировиќ, во својата честитка до Трамп вели:

„По повод вашиот избор за 47-ми претседател на САД, од името на граѓаните на Босна и Херцеговина и од мое лично име Ви упатувам искрени честитки, како и желби за успех во извршувањето на крајно одговорната должност. Се надевам дека вашиот претстоен мандат ќе биде можност за зајакнување на пријателството и партнерството на Соединетите Американски Држави и Босна и Херцеговина“, напиша Беќировиќ.

Честитка до новоизбраниот американски претседател упати и членот на Претседателството на Босна и Херцеговина, Жељко Комшиќ.

„Почитуван претседателе, ви честитам за изборната победа и за вашиот нов избор за претседател на Соединетите Американски Држави. Фестивалот на демократијата на кој бевме сведоци уште еднаш го привлече вниманието на светот кон големината на американската нација. Америка е најважниот партнер на Босна и Херцеговина на меѓународно ниво. Убеден сум дека вашето ново раководство на Белата куќа ќе биде на пат да ги обнови одличните односи меѓу Соединетите Американски Држави и Босна и Херцеговина, од вашиот последен мандат“, рече Комшиќ.

- Честитка од пертседателот на Србија Вучиќ

Претседателот на Србија, Александар Вучиќ му ја честиташе победата на Трамп со порака на Инстаграм.

Вучиќ во пораката наведе:

„Му честитам на Доналд Трамп за победата. Заедно се соочуваме со сериозните предизвици кои ни претстојат. Србија е посветена на соработката со САД за стабилност, просперитет и мир“.

- Претседателот на Црна Гора Милатовиќ му честиташе на Трамп

Честитка до Доналд Трамп, кандидатот на демократите, по повод изборната победа на претседателските избори во САД упати и претседателот на Црна Гора, Јаков Милатовиќ.

Претседателот Милатовиќ во честитката до Трамп порача:

„Црна Гора и САД се пријатели и непоколебливи партнери, обединети со заеднички цели и вредности, насочени кон подобрување на демократијата, безбедноста, стабилноста и слободата. Како сојузници на НАТО, со нетрпение очекуваме тесна соработка со вашата администрација за зајакнување на нашето пријателство и продлабочување на соработката.“

- Претседателката на Косово Османи упати честитки до Трамп

Претседателката на Косово, Вјоса Османи, му ја честиташе победата на претседателските избори во САД на Доналд Трамп, кандидатот на демократите.

Претседателката Османи на социјалните мрежи му честиташе на Трамп по повод победата со пораката:

„САД остануваат непоколеблив партнер и незаменлив сојузник на Косово. Со нетрпение очекувам да работам со новата администрација за дополнително продлабочување на нашата единствена врска и стратешки сојуз. Господ да ја благослови Америка, лидерот на слободниот свет.“