СКОПЈЕ (АА) - Во пресрет на Новата година, во главните градови во земјите од регионот преовладува празнична атмосфера, а плоштадите се декорирани со разнобојно осветлување и други декорации, и со големи новогодишни елки, јавува Anadolu Agency (AA).
Во главните градови како Скопје, Тирана, и Приштина се забележува и поголема раздвиженост на граѓаните, особено на централните плоштади кои сјаат од осветлувањето и различните бои, каде што се организираат и бројни забавни активности со Дедо Мраз и други програми за децата.
Инаку, плоштадите на земјите од регионот се главниот дел од одбележувањето на Новата година, каде што голем број граѓани ја чекаат Новата година, следејќи го спектакуларното шоу со огномети.
