Претседателот во заминување на Чешка, Милош Земан, е во посета на Србија

БЕЛГРАД (АА) - Српскиот претседател, Александар Вучиќ, му приреди свечен пречек на претседателот во заминување на Чешка, Милош Земан, пред Палатата „Србија“ во Белград, јавува Агенција Анадолија (АА).

Земан престојува во официјална посета на Србија, а за денеска е планиран разговор со српскиот претседател Александар Вучиќ и отворање на реновираниот Чешки дом.

Планирана е и пленарна средба на делегациите на Србија и Чешка и потпишување на заедничка декларација и прес-конференција на двајцата претседатели.

Земан попладне ќе го отвори Чешкиот дом, а планиран е разговор меѓу Земан и неговите сонародници.

Земан пристигна во Србија вчера попладне, а на Аеродромот „Никола Тесла“ во Белград беше дочекан од Вучиќ.

Земан во март го завршува својот втор петгодишен мандат како претседател на Чешка, кога ќе го наследи поранешниот генерал на НАТО, Петр Павел, кој победи во вториот круг од претседателските избори во саботата.