Северна Македонија: Од Ковид-19 починаа 33 лица, регистрирани се 1.422 нови случаи

СКОПЈЕ (АА) - Во последните 24 часа во Република Северна Македонија регистрирани се 1.422 нови случаи на коронавирусот, Ковид-19, со што вкупната бројка на евидентирани случаи од почетокот на епидемијата во земјата порасна на 124.910, пренесува Агенција Анадолија (АА).

Од последици предизвикани од коронавирусот во истиот период починаа 33 лица, со што билансот на починати од овој вирус во земјата се искачи на 3.607.

Денеска Институтот за јавно здравје регистрира 457 оздравени пациенти од Ковид-19, додека вкупната бројка на излекувани изнесува 103.831.

Во моментот, бројот на активни случаи со Ковид-19 изнесува 17.472.

Министерството за здравство информира дека во последните 24 часа се реализирани 4.277 тестирања за Ковид-19, а досега во земјата се направени вкупно 607.956 тестирања.