Северна Македонија: Регистрирани 1.299 нови случаи на Ковид-19, починати 24 лица

СКОПЈЕ (АА) - Во последните 24 часа во Република Северна Македонија регистрирани се 1.299 нови случаи на коронавирусот, Ковид-19, со што вкупната бројка на евидентирани случаи од почетокот на епидемијата во земјата порасна на 118.736, пренесува Агенција Анадолија (АА).

Од последици предизвикани од коронавирусот во истиот период починаа 24 лица, со што билансот на починати од овој вирус во земјата се искачи на 3.448.

Денеска Институтот за јавно здравје регистрира 413 оздравени пациенти од Ковид-19, додека вкупната бројка на излекувани изнесува 100.250.

Во моментот, бројот на активни случаи со Ковид-19 е 15.038.

Министерството за здравство информира дека во последните 24 часа се реализирани 5.057 тестирања за Ковид-19, а досега во земјата се направени вкупно 587.546 тестирања.