Северна Македонија: Регистрирани 44 оздравени пациенти од Ковид-19

СКОПЈЕ

Министерството за здравство на Северна Македонија соопшти дека во изминатите 24 часа се регистрирани 44 оздравени пациенти од Ковид-19, со што вкупната бројка на оздравени пациенти од овој вирус во земјата се искачи на 1.057, пренесува Агенција Анадолија (АА).

Потврдени се 2 смртни случаи предизвикани од Ковид-19, со што вкупната бројка на починати лица во Северна Македонија се искачи на 88.

Министерството за здравство информира дека во изминативе 24 часа во земјава се потврдени 13 нови случаи на Ковид-19, со што вкупната бројка на случаи се искачи на 1.539.

Во моментов, бројот на активни случаи на Ковид-19 во земјата изнесува 394.

Во изминатите 24 часа извршени се 292 тестирања на Ковид-19, а досега во земјата се спроведени вкупно 17.836 тестирања.

Поради пандемијата на Ковид-19 во Северна Македонија од 18 март, претседателот на државата, Стево Пендровски, прогласи вонредна состојба на предлог на Владата. Со цел спречување на ширењето на вирусот на целата територија во земјата е воведен полициски час, кој во работните денови трае од 19:00 до 05:00 часот, а во време на викендите од 14:00 до 05:00 часот.