Tuba Onğun
25 Ноември 2022•Ажурирај: 28 Ноември 2022
БЕРЛИН (АА) - Бруто-домашниот производ (БДП) на Германија се зголеми 0,4 отсто во третиот квартал оваа година во однос на претходниот квартал, покажуваат податоците објавени денеска, јавува Агенција Анадолија (АА).
Заводот за статистика „Дестатис“ објави дека БДП се зголемил, пред сѐ поради зголемувањето на потрошувачката на домаќинствата.
Растот во третиот квартал е повисок од растот во вториот квартал кога изнесуваше 0,1 отсто.
„Дестатис“ наведе дека БДП се зголемил во третиот квартал, и покрај глобалните економски предизвици како што се пандемијата на Ковид-19, прекините во снабдувањето со стока, зголемените цени и Руско-украинската војна.
Германската економија се зголеми за 1,2 отсто на годишна основа во периодот јули - септември.
