Русија подготвена за дополнително снабдување на Србија со гас

БЕЛГРАД (АА) - Русија е подготвена за разговори за дополнителни количества гас за Србија, изјави рускиот амбасадор во Белград, Александар Бочан-Карченко, пренесува Агенција Анадолија (АА).

Бочан-Карченко за „Танјуг“ изјави дека руски „Гаспром“ е отворен за разговори доколку Србија има потреба од дополнителни количества руски гас во текот на зимата.

„Оригиналната цена, која се однесува на претходните основни количества, останува најниската што може сега да се одреди во Европа. Ова е многу важна работа и мојата порака е дека секогаш кога зборуваме за енергија и гас, не забораваме дека имаме основен договор со многу ниска и поволна цена“, рече Харченко.

Србија е единствената земја во Европа која не воведе санкции против Русија.

Српскиот претседател Александар Вучиќ вчера го прими азербејџанскиот претседател Илхам Алиев во главниот град Белград, каде што двајцата претседатели разговараа за можностите за соработка во областа на природниот гас и електричната енергија.

Вучиќ претходно изрази желба да разговара за поврзаноста на Србија со Трансјадранскиот гасовод или Трансанадолскиот гасовод за природен гас.

Србија работи на нови капацитети за складирање нафта и планира да изгради нов нафтовод до Унгарија за да се справи со глобалната енергетска криза.

На почетокот на октомври, српскиот претседател рече дека Србија има складишта полни со речиси 380 милиони кубни метри гас во Унгарија.

Новиот гасовод до Унгарија ќе има должина до 128 километри, што може да чини до 100 милиони евра.

Србија во моментов има најниска цена на електричната енергија во регионот и договорот би можел да ги задржи стапките стабилни и да спречи зголемување на цените.

Цената за српските домаќинства е 0,086 долари за киловат/час, додека во Босна Херцеговина е 0,087 долари.

Според Вучиќ, тоа е до 0,097 долари во Албанија, 0,105 долари во Црна Гора, 0,148 долари во Хрватска и 0,545 долари во Рим.