Туркије и Ирак договорија зголемување на обемот на трговска размена

БАГДАД (АА) - Ирак и Туркије постигнаа договор за зголемување на обемот на заедничката трговија и јакнење на инвестициите, јавува Анадолу.

Министерството за трговија на Ирак соопшти дека ирачкиот министер за трговија, Атер Дауд ал-Гураири, и турскиот министер за трговија, Омер Болат, одржале состанок во зградата на Министерството во Багдад.

Истакнато е дека на средбата е договорено дополнително зајакнување на билатералните економски односи и инвестициите, и отстранување на пречките во тој контекст.

Страните се согласиле за формирање заеднички комисии, стапување во сила на потпишаните договори и зголемување на обемот на трговската размена.

„Планираме да го зголемиме обемот на трговија што ќе оди во прилог на заедничкиот интерес и затоа е потребна средина за уште поголеми инвестиции“, рече Ал-Гураири.

Турскиот министер за трговија, Болат, вчера пристигна во Багдад и оствари средба со потпретседателот на ирачката Влада и министер за планирање Мухамед Тамим.