Лавиринтот во поле за пченка во Канада и оваа година го привлекува вниманието на минувачите

ЧИЛИВАК

Лавиринтот во поле со пченка во местото Чиливак во канадската Британска Колумбија и оваа година предизвикува восхит кај локалното население и посетителите. Станува збор за традиција што ја негува локална фарма, известува Агенција Анадолија (АА).

Овогодишниот лавиринт во полето со пченка во Чиливак е инспириран од детската книга „Детето кое разговараше со Земјата“ (The Boy Who Spoke to the Earth), односно од приказната за дете кое е во потрага по среќа и радост.

„Дизајнот на 23. лавиринт го содржи зборот „ТАЛКАЊЕ“ (WANDER), испишан во полињата меѓу планините на кои секојдневно им се восхитуваме. Наша надеж за оваа година е да ја поттикнеме желбата кај децата и возрасните да пронајдат радост околу себе, каде и да се наоѓаат. Нашата порака кон заедницата е дека убавината и среќата се насекаде околу нас доколку одвоиме време да ги побараме. Потсетник да останете присутни додела талкате низ животот“, порача портпаролот на фармата, Чиливак Корн Мејз.