Одбележан Меѓународниот ден на лицата заболени од мултиплекс склероза

СКОПЈЕ (АА) - Огранокот на Мултиплекс склероза, кој е дел од лица со телесен инвалидитет „ Мобилност Скопје", денес на градскиот плоштад во Скопје со прес-конференција и низа јавни информативни активности го одбележа Меѓународниот ден на лицата заболени од мултиплекс склероза, јавува Anadolu Agency (AA).

Ѓорѓиевски Дејан, претседател на здружението „Мобилност Скопје", рече дека целта на одбележувањето на Меѓународниот ден на лицата заболени од мултиплекс склерозата е да се охрабрат сите оние кои се заболени од оваа болест да се приклучат на здружението, како и да побараат од надлежните институции малку повеќе внимание во однос на третманот на лекувањето и добивањето на помодерни терапии кои би го спречиле прогресирањето на болеста.

„Бараме малку повеќе внимание на третманот на лекување, добиваме терапија која е стара и која што има послаб процент во спречувањето на прогресирањето на оваа болест. Во светот се веќе појавени терапии кои се три пати посовремени и со 65 проценти на спречување на инвалидитетот и би ги замолил институциите да ги донесат и да бидат на терет на фондот", изјави Ѓоргиевски, кој потенцираше дека е важно болеста да се лекува во раната фаза со цел заболените од ов болест да не бидат на терет на семејството и опшстеството.

За жал ова заболување ги напаѓа младите, најчесто се јавува на возраст меѓу 20-40, најчесто на возраст околу 30 година, истакна д-р Габриела Новотни, невролог на Универзитетската клиника во Скопје. Таа потсети дека во светот има околу 2,5 милиони заболени од мултиплекс склероза, притоа велејќи дека е тажно што болеста носи инвалидитет, а живеењето во неизвесност, прави да таа биде непредвидлива. Д-р Новотни рече дека институциите прават напори да ги донесат најновите терапии во светот со цел да им олеснат на пациентите.

„Кај нас има околу 1.200 регистиррани заболени од мултипла склероза во Република Македонија од кои 370 се поставени на имуно модулаторна терапија, која ги одложува влошувањата на болеста се болиме против инвалидитетот. За разлика од лани имаме 170 нови пациенти на оваа терапија, имаме втора линија на терапија натализумап. Се трудиме да обезбедиме се што се нуди во светот да го донесеме тука", изјави д-р Новотни.

Ана Карајанова- Димитрушева член на организацијата „ Мобилност", а инаку една од 1.200 регистрирани лица кои боледуваат од мултиплекс склероза, која рече дека и покрај сите тешкотии што ги носи болеста, желбата за живот е доволен мотив да се продолжи понатаму.

„Болеста ми беше откриена на 20 годишна возраст, коа бев втора година на факултет. Имав неколку напади во текот на годините.Положив правосуден испит, мажена сум, имам дете, значи, може да се живее со мултиплекс склероза", изјави Карајанова-Димитрушева, која наведе и дека симптомите на мултиплекс склерозата се најразлични од кои ги издвои трнењето на нозете, рацете, рамнотежата, дупло гледање.

Инаку, мултиплекс склерозата (МС) е една од најчестите невролошки нарушувања и причина за инвалидитет кај младите. Меѓународниот ден на МС официално се одбележува последната среда од месец мај преку различни настани и активности кои се одвиваат насекаде низ светот во текот на целиот месец.

Во 2009 година Интернационалната федерација за Мулктиплекс склероза (МСИФ) и нејзините членови го иницираа привот ден на МС.