Бројот на починати од Ковид-19 во Иран достигна 5.481

АНКАРА

Во текот на изминатите 24 часа во Иран се пријавени 90 нови смртни случаи, со што вкупниот број на починати се искачи на 5.481, пренесува Агенција Анадолија (АА).

„Вкупно 1.030 лица се потврдени како позитивни на Ковид-19 во изминатите 24 часа, со што вкупниот број на заразени лица изнесува 87.026“, соопшти иранската државна телевизија, која го цитираше портпаролот на иранското Министерство за здравство, Кијануш Џиханпур.

Џиханпур изјави дека 64.843 лица се излекувале досега и биле пуштени од болниците, додека 3.105 се во критична состојба.

Вирусот Ковид-19 најпрвин се појави во Вухан, Кина, во декември 2019 година и досега се рашири во 200 земји низ светот, пренасочувајќи го епицентарот на заразата кон Европа и САД.

Во светот се регистрирани над 2,6 милиони потврдени случаи на вирусот, а бројот на смртни случаи во светот изнесува над 183.000. Бројот на излекувани лица од вирусот изнесува над 715.000.