Во Иран во последните 24 часа од Ковид-19 починаа 161 лице

ТЕХЕРАН (АА) - Во Иран бројот на починати како последица на новиот тип коронавирус (Ковид-19) се зголеми на 63.160, пренесува Агенција Анадолија (АА).

Портпаролката на Министерството за здравство на Иран, Сима Садат Лари, соопшти дека во последните 24 часа од последици предизвикани од вирусот починале уште 161 лице.

Лари нагласи дека со тоа, вкупниот број на починати од вирусот во Иран пораснал на 63.160.

Таа информира дека во земјата се дијагностицирани уште 11.680 случаи на Ковид-19, со што вкупната бројка на детектирани случаи во земјата е зголемена на 1.932.074.

Според Лари, 4.057 заразени лица се наоѓаат во интензивна нега, а оздравеле 1.650.569 лица.

Таа нагласи дека во Иран досега се направени 13.111.118 тестирања за Ковид-19.