Ekip
18 Мај 2020•Ажурирај: 18 Мај 2020
ЖЕНЕВА
Турција е една од земјите која најбрзо ги детектира слуачите со Ковид-19 и која презеде важен чекор во лекувањето на вирусот во неговата рана фаза, изјави денес министерот за здравство на Турција Фахретин Коџа на 73. Светското здравствено собрание (WHA) кое се оддржа по пат на видео-конференција, јавува Агенција Анадолија (АА).
„Турција е меѓу најуспешните земји во однос на стапката на морталитет и оптоварувањето на здравствениот систем. Благодарение на преземените мерки, Турција беше во можност да го одложи пристигнувањето на вирусот за три месеци и го искористи ова време да ги подготви своите болници и здравствен систем за појава на епидемија“, изјави турскиот министер за здравство Фахретин Коџа.
Тој истакна дека стапката на зафатеност во болниците во Турција е сè уште под 40 отсто и под 60 отсто во единиците за интензивна нега.
„Турција е една од ретките земји што ги обезбедува сите услуги на своите граѓани бесплатно под универзално здравствено покритие. Ние секогаш сме подготвени да размениме знаења и искуства“, рече министерот.
Турција потврди дека од вчера има вкупно 149.435 случаи на заразување со Ковид-19, 109.962 од нив се оздравени, додека вкупниот број на починати лица од последици на вирусот изнесува 4.140.
Дводневното 73. Светско здравствено собрание е тело за одлучување на Светската здравствена организација и на него учествуваат делегати од сите 194 земји членки на СЗО.
Претходно, генералниот директор на СЗО, Тедрос Аданом Гебрејесу, во својот говор рече дека ќе покрене независен преглед на организацијата за справување со кризата од Ковид-19 што е можно поскоро.
