Претседателот на иранскиот Парламент излекуван од Ковид-19

АНКАРА (АА) - Претседателот на иранскиот Парламент, Али Лариџани, е излекуван од новиот вид коронавирус, пренесува Агенција Анадолија (АА).

Портпаролот на иранскиот Парламент, Еседула Абаси, во изјава за иранската официјална новинска агенција ИРНА нагласи дека повторениот тест за Ковид-19 на Лариџани бил негативен, и дека е излекуван од вирусот.

„Лариџани, почнувајќи од вчера, продолжува со извршување на неговата функција. Исто така, денеска и утре ќе биде во неговата канцеларија“, рече Абаси.

Инаку, на 2 април беше соопштено дека Лариџани е позитивен на Ковид-19. Тој потоа беше задржан во карантин и примаше терапија.

Заклучно со вчера, бројот на починати од Ковид-19 во Иран изнесува 5.710, додека бројот на случаи изнесува 90.481.