Во Индонезија одржан традиционалниот фестивал Гандрунг Севу

БАНЈУВАНГИ (АА) - Во градот Банјуванги во Индонезија се одржа познатиот фестивал Гандрунг Севу на кој учествуваа стотици луѓе, пренесува Агенција Анадолија (АА).

Посебно внимание на присутните привлекоа танчерките облечени во традиционални носии кои го изведоа танцот познат како Гандрунг. Танцот што го изведоа точно 1.188 танчерки од различни возрасти стана своевидна туристичка атракција во Индонезија.

Танцот Гандрунг се изведува во знак на благодарност за добрата жетва. Градот Банјуванги, каде што се одржа фестивалот, се наоѓа во провинцијата Источна Јава.

Гандрунг е традиционален танц во Индонезија, има многу варијации и е особено популарен во Бали, Ломбок и Источна Јава меѓу Балинежаните, Сасаките и Јаванците.

Најпопуларната варијација е Гандрунгот од регионот Банјуванги на источниот полуостров Јава, до степен до кој градот често се нарекува Кота Гандрунг или „град на Гандрунг“.

Првобитно бил ритуален танц посветен на божицата на оризот и плодноста, а моментално се изведува како социјален танц на додворување и љубов на заеднички и општествени настани или како туристичка атракција.

Фестивалот Гандрунг Севу во Банјуванги се одржува секоја година.