Bekir Aydoğan
24 Март 2025•Ажурирано: 26 Март 2025
- Бекир АЈДОГАН
Маалото Таџил во Ербил, Ирак, ја одржува својата живост од ифтар до сахур во текот на месецот Рамазан со својата единствена улична храна и чајџилници.
Во маалото, каде што густо живеат и Туркмени, со години се служат специјалитети специфични за Таџил, како месо од патка, гулаб, петел и потполошка.
Покрај младите и старите лица што за време на Рамазан таму имаат свој ифтар и сахур, голем број редовни гости што доаѓаат во маалските традиционални ресторани не се од градот.
- За време на Рамазан се зголемува интересот за специјалитетите на Таџил
Јунус Сабир Хамед, кој води ресторан во Таџил, за АА изјави дека тука работи од 1988 година и дека Таџил е маало што постои од 60-тите години.
Раскажувајќи дека покрај деликатесите специфични за Таџил, како што се гулабите и патките, постојат и традиционални јадења карактеристични за регионот, Хамед вели:
„Овие јадења секогаш се достапни, но особено многу често се консумираат за време на Рамазан и луѓето доаѓаат специјално за нив. Ги продавам уште од детство.“
Хамед рече дека порано во неговиот ресторан доаѓале претежно постари луѓе, но сега негови муштерии најчесто се млади.
- Освен од Ербил, има муштерии и надвор од градот
Зборувајќи дека на работа доаѓа во 14 часот за време на Рамазан и останува до сахур, Хамед вели:
„Во ресторанот обично доаѓаат луѓе од овој град. Има и луѓе од Керкук, Сулејманија, Духок и Багдад. Имам и муштерии што велат дека со татковците доаѓале тука кога биле мали, а сега доаѓаат со своите деца. Прометот е мал поради платите што доцнат. И цените не се високи. Продаваме за многу мал профит.“
Хамед рече дека има чираци што работат со него од осум до 10 години и дека и нив ги научил на работата.
- Деликатесите на Таџил се јадат и како закуски
Харун Шерван Кадир, друг вработен во ресторанот, рече дека татко му работи тука околу 22 години, а тој 12 години.
Јунус вели дека нивниот бизнис е поинтензивен за време на месецот Рамазан и дека продажбата се зголемува особено по ифтар.
Зборувајќи за специјалитетите Јунус рече:
„Сезоната на гулаби е при крај. Повеќе се консумираат во сезоната на дождови. Некои од моите гости и од нога, без да седнат, јадат по 10-12 раженчиња месо како закуска. Има и луѓе што доаѓаат од странство. Им се допаѓа оваа атмосфера.“
